Cwrdd â’r Tîm

Joanne Hopkins yw’r Cyfarwyddwr Rhaglen Profiadau Niweidiol yn ystod Plentyndod (ACE), Cyfiawnder Troseddol ac Atal Trais yn Iechyd Cyhoeddus Cymru. Yn gyn-Uwch Was Sifil yn llywodraeth y DU, bu Jo yn gweithio i’r Swyddfa Gartref am ugain mlynedd gyda chyfrifoldebau mewn Troseddau Treisgar, Trais yn Erbyn Menywod, Mewnfudo a saith mlynedd fel pennaeth Cymru a Datganoli, cyn ymuno ag Iechyd Cyhoeddus Cymru. Yn 2018 daeth Jo yn Gyfarwyddwr Hyb ACE Cymru ac yna cymerodd yr awenau ar ran Iechyd Cyhoeddus Cymru yn Rhaglen Gweithredu’n Gynnar gyda’n Gilydd yr Heddlu a’i Bartneriaid, gan drawsnewid systemau i atal a lliniaru ACEs a hyrwyddo ymarfer sy’n ystyriol o drawma ac ACE (TraCE) yng Nghymru.  Mae ei rôl bresennol yn dod â’r holl gyfrifoldebau hyn at ei gilydd i ddatblygu dull gweithredu wedi’i lywio gan TrACE ar draws gwasanaethau cyhoeddus, cymunedau a chymdeithas drwy roi Fframwaith Cymru sy’n Ystyriol o Drawma ar waith. Cwblhaodd Jo ddoethuriaeth yn 2023 ym Mhrifysgol Aberystwyth ar reolaeth orfodol mewn gwrthdaro ac mae’n Athro Gwadd ym Mhrifysgol Wrecsam.

Ymunodd Natalie ag Hyb ACE Cymru yn 2021 ac ar hyn o bryd hi yw Dirprwy Arweinydd Hyb ACE Cymru. Mae ei rôl yn ymwneud â datblygu a chyflawni blaenoriaethau Hyb ACE Cymru yn strategol ac mae’n angerddol yn benodol am gefnogi sefydliadau i ddod yn ystyriol o drawma ac ACE. Ar ôl treulio 15 mlynedd yn y trydydd sector yn cefnogi menywod, plant a phobl ifanc sydd wedi profi trawma ac adfyd, mae Natalie yn parhau i sicrhau bod lleisiau pobl sydd â phrofiad bywyd yn cael eu blaenoriaethu ac mae hi’r un mor angerddol am herio materion systemig sy’n atal newid parhaol.

Ar hyn o bryd mae Natalie yn astudio’n rhan amser ar gyfer MSc mewn Troseddu a Chyfiawnder i gryfhau ei dealltwriaeth academaidd o faterion sy’n effeithio ar y system cyfiawnder troseddol gyda diddordeb ymchwil penodol mewn atal trais difrifol a lladdiad merched sy’n cael eu hecsbloetio gan y diwydiant rhyw.

Ymunodd Joe â Chanolfan Gydweithredol Sefydliad Iechyd y Byd ar Fuddsoddi ar gyfer Iechyd a Llesiant (WHO CC) yn 2018 i gefnogi’r Rhaglen Gweithredu’n Gynnar Gyda’n Gilydd ac mae ganddo brofiad helaeth o weithio gyda phlismona a chyfiawnder troseddol yng Nghymru.

Darparodd Joe gymorth rheoli prosiect i’r Grŵp Cyfeirio Arbenigol a ddatblygodd Fframwaith Cymru sy’n Ystyriol o Drawma ac ers 2023 mae wedi bod yn rheoli ei weithrediad ac yn rheoli tîm TrACE.

Mae Bronwyn wedi gweithio fel Therapydd Galwedigaethol (OT) ers iddi gymhwyso yn 2009. Yn wreiddiol o Dde Affrica, mae hi wedi bod yn gweithio yn y GIG ers 12 mlynedd, gan weithio’n uniongyrchol gyda phlant, pobl ifanc a theuluoedd. Mae hefyd wedi datblygu i rolau arweinyddiaeth uwch ym maes therapi galwedigaethol i blant.  Dangosodd ei gwaith iddi bwysigrwydd rhoi’r cymorth cywir ar yr adeg iawn i blant, pobl ifanc a theuluoedd. Yn ogystal, mae’n angerddol am wasanaethau sydd ar gael i bawb sy’n cael eu cynllunio gan y bobl sy’n eu defnyddio.

Mae Bronwyn yn mwynhau ei llwybr gyrfa newydd gyda Hyb ACE Cymru ac mae’n credu’n gryf ym mhwysigrwydd ymarfer wedi’i lywio gan Drawma ac ACE (TrACE).

Samia sy’n rheoli’r tîm ymchwil yn Hyb ACE Cymru. Ers ymuno ym mis Ebrill 2021, mae Samia wedi gweithio ar nifer o brosiectau ymchwil. Mae’r rhain yn cynnwys archwilio effaith prosiectau cymunedol ar ACEs ac adfyd; adolygiad llenyddiaeth i nodi’r iaith a’r derminoleg allweddol sy’n ymwneud â bod yn ystyriol o drawma; ac astudiaeth gymharol o gymunedau sy’n ystyriol o drawma ledled Cymru. Cyn ymuno â Hyb ACE Cymru, treuliodd Samia 15 mlynedd fel cydymaith ymchwil ym Mhrifysgol Caerdydd, ac o fewn yr amser hwn cwblhaodd Samia PhD a oedd yn canolbwyntio ar nifer y disgyblion ysgolion uwchradd yng Nghymru sy’n manteisio ar yr hawl i gael prydau ysgol am ddim.

Ers ymuno ag ACE Hub Cymru ym mis Tachwedd 2021, mae Huw wedi gweithio ar amrywiol brosiectau ymchwil a gwerthusiadau sy’n gysylltiedig â Thrawma ac ACEs. Mae’r rhain yn cynnwys archwilio cymunedau a sefydliadau sy’n gweithio mewn ffordd sy’n ystyriol o drawma i gefnogi Fframwaith Cymru sy’n Ystyriol o Drawma; gwerthusiadau o hyfforddiant sy’n ystyriol o drawma o fewn y System Cyfiawnder Troseddol; ymchwil sy’n gysylltiedig â phecyn cymorth TrACE o fewn y system cyfiawnder ieuenctid; ac adolygiadau llenyddiaeth sy’n gysylltiedig ag Aflonyddu ar Sail Rhywedd (GBH).

Mae Huw yn edrych ymlaen at barhau ag ymchwil sy’n gysylltiedig â GBH drwy archwilio profiadau menywod mewn torfeydd i gefnogi’r Glasbrint VAWDASV.

Mae Laura yn ymchwilydd yn yr Hyb ACE ac mae wedi gweithio yn y sector Gofal Cymdeithasol ers dros 20 mlynedd ym maes datblygu polisi ac ymgysylltu â’r gymuned. Mae Laura wedi bod yn astudio seicoleg trwy gydol ei gyrfa, ac ar ôl bron â chwblhau doethuriaeth broffesiynol mewn Seicoleg Iechyd, mae gan Laura ddiddordeb ymchwil penodol mewn ACE, trawma a gwydnwch.  Mae Laura yn edrych ymlaen at ymestyn canlyniadau ei hymchwil i nodau ehangach gwaith yr Hyb ACE. Gydag angerdd am lesiant, mae Laura yn awyddus i helpu pobl i gyrraedd eu llawn botensial drwy roi’r cymorth a’r gefnogaeth gywir.

Yn ei hamser hamdden, mae Laura yn hyfforddi pobl ifanc mewn ffitrwydd, yn hyfforddwr rhedeg cymwys ac yn dysgu dosbarthiadau sbin yng nghanolfannau hamdden Bro Morgannwg. Fel hyrwyddwr llesiant yn y gweithle profiadol, mae Laura yn awyddus i barhau â hyn yn ei rôl bresennol a helpu i gefnogi’r tîm i hybu iechyd a llesiant yn y gweithle.

Ers dechrau ei gyrfa, mae Zarqa wedi gweithio mewn gwasanaethau statudol ac anstatudol a’r thema gyffredin yn yr holl rolau fu helpu eraill.  Dechreuodd ei gyrfa yn Weithiwr Ieuenctid a Chymunedol ar ôl graddio gan weithio mewn gwasanaethau cyffuriau i bobl ifanc ac yna oedolion.  Mae wedi treulio 4 blynedd diwethaf ei gyrfa mewn rolau rheoli Iechyd a Llesiant yn y sector Tai ac Addysg Bellach.

Mae ei rôl Rheolwr Prosiect yn Hyb ACE Cymru yn canolbwyntio’n bennaf ar y Sector Addysg Bellach a’i gefnogi i ymgorffori a chynnal dull sy’n ystyriol o drawma o ran y ffordd y mae’n gweithio gyda dysgwyr a staff.   Mae hi’n edrych ymlaen at gael mewnbwn ehangach i amcanion tîm Hyb ACE Cymru, gan ddefnyddio ei phrofiadau personol a phroffesiynol i helpu i lywio gwaith yn y dyfodol.

Yn ei hamser hamdden mae Zarqa yn Hyfforddwr Criced ac mae ganddi amryw o rolau eraill ym maes criced gan gynnwys Cadw Sgôr.  Mae hi hefyd wrth ei bodd yn ei rhandir lle gall ymlacio a philtran a cheisio tyfu rhai llysiau wrth wneud hynny.  Mae ganddi gi bach sy’n ei chadw’n weithgar a phrysur ac mae’n gwneud iddi chwerthin bob dydd!

Mae Emma wedi gweithio yn y sector camddefnyddio sylweddau am y 19 mlynedd diwethaf, i ddechrau fel gweithiwr rheng flaen ac yna fel arweinydd tîm ar gyfer Gwasanaeth Pobl Ifanc – Dewisiadau yn y tair sir, sef Sir Benfro, Ceredigion a Sir Gaerfyrddin. Mae hi’n angerddol am leihau niwed ac adferiad ac mae wedi cael y fraint o fod yn rhan o deithiau cymaint o bobl ifanc. Mae ei gyrfa wedi canolbwyntio’n bennaf ar blant a phobl ifanc o fewn y maes camddefnyddio sylweddau, ac mae hyn wedi ei hysbrydoli i ymuno ag ACE Hub Cymru i arwain y ffordd i’r sector camddefnyddio sylweddau sy’n ystyriol o TrACE. Mae Emma yn credu ym mhwysigrwydd creu amgylchedd sy’n cofleidio caredigrwydd, diolchgarwch a gofal gyda thosturi. Ei gwerthoedd craidd yw ymddiriedaeth, gonestrwydd, tryloywder, empathi ac agwedd gadarnhaol o allu gwneud

Yn ogystal â hyn mae Emma yn fam i Megan sy’n 25 a Rowan sy’n 18, mae hi’n dyheu am fod yn fodel rôl cadarnhaol iddyn nhw. Mae Emma yn mwynhau cerdded a threulio amser gyda’i thri chi hardd, mae hi hefyd yn mwynhau ioga a nofio.

Mae Jessica wedi ymuno â Hyb ACE Cymru fel Rheolwr Prosiect, gan weithio gyda sefydliadau ledled Cymru er mwyn iddynt ddod yn ystyriol o Drawma ac ACE trwy weithredu’r pecyn cymorth ‘TrACE’. Mae hi’n edrych ymlaen at weithio gydag ystod amrywiol o sectorau a chreu’r amodau a’r adnoddau ar gyfer dull cynaliadwy o fod yn ystyriol o TrACE. Ymunodd Jessica ag Iechyd Cyhoeddus Cymru am y tro cyntaf yn 2021 gan weithio ym maes gwella a sicrhau ansawdd; yn y rôl hon roedd yn gallu cydweithio â thimau o bob rhan o Iechyd Cyhoeddus Cymru i ysgogi gwelliannau yn eu gwaith. Mae ganddi radd meistr mewn iechyd y cyhoedd o Brifysgol Manceinion, a’i phrif ddiddordebau yw datblygiad cymunedol, polisi iechyd y cyhoedd, a gwella iechyd a thegwch mewn cymunedau nas clywir ganddynt yn aml. Y tu allan i’r gwaith, mae Jessica wrth ei bodd yn rhedeg ar lwybrau, yn teithio ymhell ac agos ac yn treulio ei hafau mewn gwyliau cerddoriaeth.

Mae Lauren wedi gweithio o fewn ACE Hub Cymru ers bron i ddwy flynedd ac mae’n ymgartrefu yn ei rôl newydd fel Swyddog Cyfathrebu ac Ymgysylltu ar gyfer y Hyb Rhithwir.

Drwy gydol ei rôl, mae Lauren yn arwain y gwaith o ddatblygu’r cyfathrebu ac ymgysylltu ar gyfer Cymru sy’n Ystyriol o Drawma, er mwyn blaenoriaethu cydweithredu a hygyrchedd yn ystod y broses o roi Fframwaith Cymru sy’n Ystyriol o Drawma ar waith.  Mae Lauren yn obeithiol wrth greu ffyrdd newydd a gwell o gofnodi sut mae ein gwaith wedi newid bywydau a chymunedau pobl.

Tra yn y brifysgol, roedd Lauren yn frwd dros helpu a chlywed eraill. Hwylusodd gyrsiau hyfforddi a oedd ar gael i fyfyrwyr, a sicrhaodd rôl Swyddog Llesiant yn y gymdeithas yr oedd yn rhan ohoni. Galluogodd hyn iddi ddatblygu sgiliau ym maes cefnogi pobl agored i niwed mewn prifysgol sydd bellach yn datblygu dull wedi’i lywio gan drawma. Yn dilyn ymlaen o hyn, mae Lauren bellach yn gynrychiolydd llesiant ar gyfer y tîm. Mae ACE Hub Cymru yn dangos neges y gallwn ni, ynghyd â’r cyhoedd, helpu i wneud Cymru ar y blaen yn y byd o ran atal, mynd i’r afael â, a lliniaru effeithiau profiadau niweidiol yn ystod plentyndod a thrawma, gan awgrymu bod llesiant a chyfathrebu ar flaen y gad yn amcanion y tîm, nid yn unig yn broffesiynol ond hefyd tuag at ei gilydd, fel rhan o dîm. Mae hyn yn rhywbeth y mae Lauren yn angerddol amdano a bydd yn parhau i baratoi drwy gydol y post.

Mae Lauren yn mwynhau nosweithiau tawel ac ymweld â lleoedd newydd. Mae hi wrth ei bodd yn darllen a rhoi cynnig ar ryseitiau newydd.

Rôl Tom o fewn ACE Hwb Cymru yw fel swyddog cymorth prosiect, mae Tom wedi bod gydag Iechyd Cyhoeddus Cymru ers 2021 ac mae wedi gweithio o’r blaen yn yr is-adran Diogelu Iechyd, swyddog gweinyddol i’r tîm Gweithrediadau a’r tîm camddefnyddio Sylweddau. Roedd Tom hefyd yn aelod o’r Gell Weinyddol Genedlaethol ar gyfer ymateb COVID i Iechyd Cyhoeddus Cymru ac mae ganddo brofiad o weithio mewn rôl dan bwysau mawr a gweithio o fewn terfynau amser tynn. Mae profiad blaenorol Tom wedi cynnwys gweithio o fewn y sector manwerthu a’r diwydiant digwyddiadau ac mae’n dod â chyfoeth o brofiad i Dîm ACE Hub Cymru. Mae Tom yn mwynhau ffilmiau, padlfyrddio, nofio a cherdded, ond yn bennaf oll mae wrth ei fodd â bwyd, coginio ac archwilio lleoedd newydd i fwyta.

Syed yw Swyddog Cymorth Prosiectau yn HYB ACE CYMRU, gyda dros 14 mlynedd o brofiad yn cwmpasu datblygu meddalwedd, telathrebu, cymdeithasau tai, a rheoli prosiectau. Mae ganddo radd Meistr mewn Rheoli Prosiectau yn ogystal â gradd Baglor mewn Peirianneg.

Gan ddechrau ei yrfa fel Peiriannydd Meddalwedd, symudodd Syed ymlaen yn gyflym i fod yn Bennaeth Gweithrediadau ar gyfer Gweithredwr Porth Rhyngwladol. Mae hefyd wedi dal uwch rolau fel Prif Swyddog Gweithredu a Phennaeth Datblygu Busnes ar gyfer cwmnïau peirianneg a datblygu lluosog ym Mangladesh. Bu hefyd yn gweithio fel Swyddog Gweinyddu Rhent a Thrwyddedau yn YMCA Cymdeithas Tai Caerdydd, gan ehangu ei arbenigedd ymhellach.

Yn angerddol am lyfrau, cyfnodolion, a theithio, mae chwilfrydedd Syed yn ymestyn y tu hwnt i’w fywyd proffesiynol, gan danio ei dwf deallusol a’i brofiadau diwylliannol.

Mae Pramesh yn Swyddog Cymorth Prosiectau yn Hyb ACE Cymru. Mae ganddo dros ddegawd o brofiad amrywiol mewn gwerthu, marchnata, lletygarwch a chyllid. Mae ganddo MBA mewn Rheoli Cadwyni Cyflenwi o Brifysgol De Cymru a BA (Anrh) mewn Gweinyddu Busnes o Brifysgol Dinas Birmingham.

Mae ei yrfa yn cynnwys rolau ar draws diwydiannau, o reoli teithiau yn Sri Lanka i symleiddio prosesau gwasanaethau yn Lloyds Banking Group. Mae gallu Pramesh i addasu a’i ymrwymiad i safonau uchel wedi ennill cydnabyddiaeth iddo, gan gynnwys tystysgrifau mewn marchnata digidol, rheoli prosiectau a diogelu data.

Y tu allan i’r gwaith, mae Pramesh yn mwynhau ymarfer corff, chwarae pêl-fasged, a threulio amser gyda ffrindiau.